سياسة الخصوصية

هذي السياسة توضّح شلون بيجات («إحنا») تتعامل ويا بياناتك لما تستخدم تطبيق بيجات للتجار وموقع bijat.app. استخدامك للخدمة يعني إنك قريت هذي السياسة.

البيانات اللي نجمعها

بيانات حسابك كتاجر

الاسم واسم المتجر.
رقم الهاتف.
المحافظة.
كلمة السر: ما نخزنها كنص أبداً. نخزن نسخة مشفّرة باتجاه واحد (hash) ما تنقرأ حتى من عدنا.
رمز الإحالة، إذا سجّلت عن طريق تاجر ثاني.

بيانات الطلبات اللي تثبّتها

لما تثبّت طلب لزبونك نسجّل:

اسم الزبون ورقم هاتفه (ورقم ثاني إذا انضاف).
المحافظة والعنوان والنقطة الدالة.
ملاحظات الطلب، والمنتجات والكميات والأسعار.

أنت مسؤول تكون هذي البيانات صحيحة، ويكون الزبون موافق إنها تُستخدم لتوصيل طلبه.

بيانات سحب الأرباح

طريقة السحب: زين كاش أو ماستر كارد الرافدين.
الرقم المرتبط بيها.

الرقم يُخزَّن مشفّراً، ويشوفه كامل بس الموظف المسؤول عن التحويل وقت التحويل، وكل كشف يتسجل. بعد ما يتحوّل المبلغ أو ينرفض الطلب، نمسح الرقم الكامل ونحتفظ بآخر 4 أرقام بس حتى تميّز سحوباتك.

بيانات تقنية

عنوان الـ IP وسجلات الطلبات على السيرفر، للحماية من الهجمات ومحاولات الدخول المتكررة.
معرّف الجهاز للإشعارات، إذا انفعّلت الإشعارات.
المنتجات اللي تضيفها للمفضلة، والإشعارات اللي توصلك.

شنو ما نجمعه

ما نستخدم أدوات إعلانات أو تتبّع ولا نبيع بياناتك.
ما نوصل لموقعك الجغرافي ولا صورك ولا جهات الاتصال بموبايلك.

ليش نستخدم البيانات

تشغيل حسابك وتسجيل الدخول بأمان.
تجهيز الطلبات وتوصيلها وتحصيل مبلغها.
حساب أرباحك وتحويلها إلك.
إشعارك بتحديثات طلباتك وسحوباتك.
الدعم الفني والرد على استفساراتك.
حماية الخدمة من الاحتيال والاستخدام المسيء.
الالتزامات المحاسبية والقانونية.

مع منو تنشارك البيانات

شركاء التوصيل: اسم الزبون ورقمه وعنوانه ومبلغ التحصيل، بس حتى يوصل الطلب.
مزودو الخدمات التقنية: مثل الاستضافة وقاعدة البيانات والرسائل النصية، بالقدر اللازم لتشغيل الخدمة، وتحت التزام بحماية البيانات.
الجهات الرسمية: إذا طُلب منا بشكل قانوني.

ما نبيع بياناتك ولا نأجّرها لأي جهة.

شلون نحمي بياناتك

كل الاتصال بين التطبيق والسيرفر مشفّر (HTTPS).
كلمات السر وأرقام السحب مشفّرة.
جلسة الدخول بموبايلك محفوظة بالتخزين الآمن للنظام (Keychain بالآيفون وKeystore بالأندرويد).
موظفينا يوصلون بس للبيانات اللي يحتاجها دورهم، والإجراءات الحساسة تتسجل.

مدة الاحتفاظ بالبيانات

نحتفظ ببياناتك ما دام حسابك فعّال.
لما تحذف حسابك نمسح بياناتك الشخصية: الاسم واسم المتجر ورقم الهاتف وكلمة السر والأجهزة والمفضلة.
نحتفظ بسجلات الطلبات والحركات المالية للمدة اللازمة محاسبياً وقانونياً.

حقوقك

الاطلاع والتعديل: تشوف بيانات حسابك وتعدّلها من التطبيق.
حذف الحساب: من التطبيق، حسابي ← حذف الحساب، أو بطلب على الإيميل. التفاصيل بـ صفحة المساعدة.

الأعمار

الخدمة موجّهة لمن عمره 18 سنة فما فوق. ما نجمع بيانات أطفال عن قصد.

التعديلات على هذي السياسة

إذا عدّلنا السياسة ننشر النسخة الجديدة بهذي الصفحة ونحدّث تاريخها. وإذا كان التعديل جوهري نبلغك بالتطبيق.

التواصل

لأي سؤال عن خصوصيتك: support@bijat.app